Zarb-e-Kaleem · 118 of 202
دریا میں موتی، اے موجِ بے باک
Allama Iqbal
Bahrمتقارب مثمن اثلم سالم مضاعف
arooz scans 12 of 14 lines
دریا میں موتی، اے موجِ بے باک
ساحل کی سوغات! خاروخس و خاکarooz could not scan this line
میرے شرر میں بجلی کے جوہر
لیکن نَیستاں تیرا ہے نم ناک
تیرا زمانہ، تاثیر تیری
ناداں! نہیں یہ تاثیرِ افلاک
ایسا جُنوں بھی دیکھا ہے میں نے
جس نے سِیے ہیں تقدیر کے چاک
کامِل وہی ہے رِندی کے فن میں
مستی ہے جس کی بے منّتِ تاکarooz could not scan this line
رکھتا ہے اب تک مَیخانۂ شرق
وہ مے کہ جس سے روشن ہو ادراک
اہلِ نظر ہیں یورپ سے نومید
ان اُمّتوں کے باطن نہیں پاک
A small circle marks a line arooz could not fit to the poem’s bahr. That is a limit of arooz, not of the poet: the text may leave an izafat unwritten, a word may be missing from arooz’s dictionary, or the line may use a licence arooz does not yet model.