تخلیق

جہانِ تازہ کی افکارِ تازہ سے ہے نمود

کہ سنگ و خِشت سے ہوتے نہیں جہاں پیدا

خودی میں ڈُوبنے والوں کے عزم و ہمّت نے

اس آبُجو سے کیے بحرِ بے کراں پیداarooz could not scan this line

وہی زمانے کی گردش پہ غالب آتا ہے

جو ہر نفَس سے کرے عُمرِ جاوداں پیدا

خودی کی موت سے مشرق کی سر زمینوں میں

ہُوا نہ کوئی خُدائی کا رازداں پیدا

ہوائے دشت سے بُوئے رفاقت آتی ہے

عجب نہیں ہے کہ ہوں میرے ہم عناں پیدا