رفتارِ عمر قطعِ رہ اضطراب ہے

رفتارِ عمر قطعِ رہ اضطراب ہےarooz could not scan this line

اس سال کے حساب کو برق آفتاب ہے

میناۓ مے ہے سروِ نشاطِ بہار سے

بالِ تَدَر و* جلوۂ موجِ شراب ہےarooz could not scan this line

زخمی ہوا ہے پاشنہ پاۓ ثبات کاarooz could not scan this line

نے بھاگنے کی گوں، نہ اقامت کی تاب ہے

جادادِ بادہ نوشیِ رنداں ہے شش جہت

غافل گماں کرے ہے کہ گیتی خراب ہے

نظّارہ کیا حریف ہو اس برقِ حسن کا

جوشِ بہار جلوے کو جس کے نقاب ہے

میں نامراد دل کی تسلّی کو کیا کروں

مانا کہ تیری رخ سے نگہ کامیاب ہے

گزرا اسد مسرّتِ پیغامِ یار سے

قاصد پہ مجھ کو رشکِ سوال و جواب ہے