وہ فراق اور وہ وصال کہاں

وہ فراق اور وہ وصال کہاں

وہ شب و روز و ماہ و سال کہاں

فرصت کاروبار شوق کسےarooz could not scan this line

ذوق نظارۂ جمال کہاں

دل تو دل وہ دماغ بھی نہ رہا

شور سودائے خط و خال کہاں

تھی وہ اک شخص کے تصور سے

اب وہ رعنائی خیال کہاںarooz could not scan this line

ایسا آساں نہیں لہو رونا

دل میں طاقت جگر میں حال کہاں

ہم سے چھوٹا قمار خانۂ عشق

واں جو جاویں گرہ میں مال کہاں

فکر دنیا میں سر کھپاتا ہوں

میں کہاں اور یہ وبال کہاں

مضمحل ہو گئے قویٰ غالب

وہ عناصر میں اعتدال کہاں

بوسہ میں وہ مضائقہ نہ کرے

پر مجھے طاقت سوال کہاںarooz could not scan this line

فلک سفلہ بے محابا ہےarooz could not scan this line

اس ستمگر کو انفعال کہاں