صقلیہ

رو لے اب دل کھول کر اے دیدہء خوننابہ بارarooz could not scan this line

وہ نظر آتا ہے تہذیب حجازی کا مزارarooz could not scan this line

تھا یہاں ہنگامہ ان صحرا نشینوں کا کبھی

بحر بازی گاہ تھا جن کے سفینوں کا کبھیarooz could not scan this line

زلزلے جن سے شہنشاہوں کے درباروں میں تھے

بجلیوں کے آشیانے جن کی تلواروں میں تھے

اک جہان تازہ کا پیغام تھا جن کا ظہورarooz could not scan this line

کھا گئی عصر کہن کو جن کی تیغ ناصبورarooz could not scan this line

مردہ عالم زندہ جن کی شورش قم سے ہواarooz could not scan this line

آدمی آزاد زنجیر توہم سے ہواarooz could not scan this line

غلغلوں سے جس کے لذت گیر اب تک گوش ہے

کیا وہ تکبیر اب ہمیشہ کے لیے خاموش ہے؟

آہ اے سسلی! سمندرکی ہے تجھ سے آبرو

رہنما کی طرح اس پانی کے صحرا میں ہے تو

زیب تیرے خال سے رخسار دریا کو رہے

تیری شمعوں سے تسلی بحر پیما کو رہےarooz could not scan this line

ہو سبک چشم مسافر پر ترا منظر مدامarooz could not scan this line

موج رقصاں تیرے ساحل کی چٹانوں پر مدام

تو کبھی اس قوم کی تہذیب کا گہوارہ تھا

حسن عالم سوز جس کا آتش نظارہ تھاarooz could not scan this line

نالہ کش شیراز کا بلبل ہوا بغداد پر

داغ رویا خون کے آنسو جہاں آباد پر

آسماں نے دولت غرناطہ جب برباد کیarooz could not scan this line

ابن بدروں کے دل ناشاد نے فریاد کیarooz could not scan this line

غم نصیب اقبال کو بخشا گیا ماتم ترا

چن لیا تقدیر نے وہ دل کہ تھا محرم ترا

ہے ترے آثار میں پوشیدہ کس کی داستاں

تیرے ساحل کی خموشی میں ہے انداز بیاںarooz could not scan this line

درد اپنا مجھ سے کہہ ، میں بھی سراپا درد ہوں

جس کی تو منزل تھا ، میں اس کارواں کی گرد ہوں

رنگ تصویر کہن میں بھر کے دکھلا دے مجھےarooz could not scan this line

قصہ ایام سلف کا کہہ کے تڑپا دے مجھےarooz could not scan this line

میں ترا تحفہ سوئے ہندوستاں لے جاؤں گا

خود یہاں روتا ہوں ، اوروں کو وہاں رلوائوں گاarooz could not scan this line