نیا شوالا

سچ کہہ دوں اے برہمن! گر تو بُرا نہ مانے

تیرے صنم کدوں کے بُت ہو گئے پُرانے

اپنوں سے بَیر رکھنا تو نے بُتوں سے سیکھا

جنگ و جدَل سِکھایا واعظ کو بھی خدا نے

تنگ آ کے میں نے آخر دَیر و حرم کو چھوڑا

واعظ کا وعظ چھوڑا، چھوڑے ترے فسانے

پتھّر کی مُورتوں میں سمجھا ہے تُو خدا ہے

خاکِ وطن کا مجھ کو ہر ذرّہ دیوتا ہےarooz could not scan this line

آ، غیریت کے پردے اک بار پھر اُٹھا دیںarooz could not scan this line

بِچھڑوں کو پھر مِلا دیں نقشِ دُوئی مٹا دیں

سُونی پڑی ہوئی ہے مدّت سے دل کی بستی

آ، اک نیا شِوالا اس دیس میں بنا دیںarooz could not scan this line

دنیا کے تیرتھوں سے اونچا ہو اپنا تیرتھ

دامانِ آسماں سے اس کا کلَس مِلا دیں

ہر صبح اُٹھ کے گائیں منتر وہ مٹیھے مٹیھےarooz could not scan this line

سارے پُجاریوں کو مے پِیت کی پلا دیں

شکتی بھی، شانتی بھی بھگتوں کے گیت میں ہےarooz could not scan this line

دھرتی کے باسیوں کی مُکتی پریت میں ہےarooz could not scan this line