مو ج دریا

مضطرب رکھتا ہے میرا دلِ بے تاب مجھے

عینِ ہستی ہے تڑپ صورتِ سیماب مجھے

موج ہے نام مرا، بحر ہے پایاب مجھےarooz could not scan this line

ہو نہ زنجیر کبھی حلقۂ گِرداب مجھے

آب میں مثلِ ہوا جاتا ہے توسَن میرا

خارِ ماہی سے نہ اٹکا کبھی دامن میرا

میں اچھلتی ہوں کبھی جذبِ مہِ کامل سے

جوش میں سر کو پٹکتی ہوں کبھی ساحل سے

ہوں وہ رہرو کہ محبت ہے مجھے منزل سے

کیوں تڑپتی ہوں، یہ پُوچھے کوئی میرے دل سے

زحمتِ تنگیِ دریا سے گریزاں ہوں میں

وسعتِ بحر کی فُرقت میں پریشاں ہوں مَیںarooz could not scan this line