فردوس میں ایک مکالمہ

ہاتِف نے کہا مجھ سے کہ فردوس میں اک روز

حالیؔ سے مخاطب ہوئے یوں سعدیِؔ شیراز

اے آنکہ ز نورِ گُہرِ نظمِ فلک تابarooz could not scan this line

دامن بہ چراغِ مہ و اخترزدہ ای باز!

کچھ کیفیتِ مسلمِ ہندی تو بیاں کرarooz could not scan this line

واماندۂ منزل ہے کہ مصروفِ تگ و تاز

مذہب کی حرارت بھی ہے کچھ اس کی رگوں میں؟

تھی جس کی فلک سوز کبھی گرمیِ آواز

باتوں سے ہُوا شیخ کی حالیؔ متاَثّرarooz could not scan this line

رو رو کے لگا کہنے کہ “اے صاحبِ اعجازarooz could not scan this line

جب پیرِ فلک نے وَرق ایّام کا اُلٹا

آئی یہ صدا، پاؤگے تعلیم سے اعزاز

آیا ہے مگر اس سے عقیدوں میں تزلزل

دنیا تو ملی، طائرِ دیں کر گیا پرواز

دِیں ہو تو مقاصد میں بھی پیدا ہو بلندی

فطرت ہے جوانوں کی زمیں گیر زمیں تاز

مذہب سے ہم آہنگیِ افراد ہے باقی

دِیں زخمہ ہے، جمعیّتِ مِلّت ہے اگر ساز

بنیاد لرَز جائے جو دیوارِ چمن کی

ظاہر ہے کہ انجامِ گُلستاں کا ہے آغاز

پانی نہ مِلا زمزمِ ملّت سے جو اس کو

پیدا ہیں نئی پَود میں الحاد کے انداز

یہ ذکر حضورِ شہِ یثرِبؐ میں نہ کرناarooz could not scan this line

سمجھیں نہ کہیں ہند کے مسلم مجھے غمّاز

“خُرما نتواں یافت ازاں خار کہ کشتیمarooz could not scan this line

دیبا نتواں بافت ازاں پشم کہ رشتیم”arooz could not scan this line