بلال

لِکھّا ہے ایک مغربیِ حق شناس نے

اہلِ قلم میں جس کا بہت احترام تھا

جولاں گہِ سکندرِ رومی تھا ایشیا

گردُوں سے بھی بلند تر اُس کا مقام تھا

تاریخ کہہ رہی ہے کہ رومی کے سامنے

دعویٰ کِیا جو پورس و دارا نے، خام تھا

دنیا کے اُس شہنشہِ انجم سپاہ کو

حیرت سے دیکھتا فلکِ نیل فام تھا

آج ایشیا میں اُس کو کوئی جانتا نہیں

تاریخ دان بھی اُسے پہچانتا نہیں

لیکن بِلالؓ، وہ حبَشی زادۂ حقیرarooz could not scan this line

فطرت تھی جس کی نُورِ نبوّت سے مُستنیر

جس کا امیں ازل سے ہُوا سینۂ بِلالؓ

محکوم اُس صدا کے ہیں شاہنشہ و فقیرarooz could not scan this line

ہوتا ہے جس سے اسوَد و احمر میں اختلاط

کرتی ہے جو غریب کو ہم پہلوئے امیرarooz could not scan this line

ہے تازہ آج تک وہ نوائے جگر گداز

صدیوں سے سُن رہا ہے جسے گوشِ چرخِ پیر

اقبالؔ! کس کے عشق کا یہ فیضِ عام ہے

رومی فنا ہُوا، حبَشی کو دوام ہےarooz could not scan this line