کفر واسلام

ایک دن اقبالؔ نے پُوچھا کلیمِ طُور سے

اے کہ تیرے نقشِ پا سے وادیِ سِینا چمن

آتشِ نمرود ہے اب تک جہاں میں شُعلہ ریز

ہوگیا آنکھوں سے پنہاں کیوں ترا سوزِ کُہنarooz could not scan this line

تھا جوابِ صاحبِ سینا کہ مسلم ہے اگر

چھوڑ کر غائب کو تُو حاضر کا شیدائی نہ بن

ذوقِ حاضر ہے تو پھر لازم ہے ایمانِ خلیلؑ

ورنہ خاکستر ہے تیری زندگی کا پیرہن

ہے اگر دیوانۂ غائب تو کچھ پروا نہ کر

منتظر رہ وادیِ فاراں میں ہو کر خیمہ زن

عارضی ہے شانِ حاضر، سطوَتِ غائب مدام

اس صداقت کو محبّت سے ہے ربطِ جان و تن

شُعلۂ نمرود ہے روشن زمانے میں تو کیا

“شمع خود را می گدازد درمیانِ انجمنarooz could not scan this line

نُورِ ما چوں آتشِ سنگ از نظر پنہاں خوش است”arooz could not scan this line