محاصرہ ادرنہ
یورپ میں جس گھڑی حق و باطل کی چھِڑ گئی
حق خنجر آزمائی پہ مجبور ہو گیا
گَردِ صلیب، گِردِ قمر حلقہ زن ہوئی
شکری حصارِ دَرنہ میں محصور ہو گیاarooz could not scan this line
مُسلم سپاہیوں کے ذخیرے ہوئے تمام
رُوئے اُمید آنکھ سے مستور ہو گیا
آخر امیرِ عسکرِ تُرکی کے حکم سے
آئینِ جنگ شہر کا دستور ہوگیاarooz could not scan this line
ہر شے ہوئی ذخیرۂ لشکر میں منتقل
شاہیں گدائے دانۂ عُصفور ہو گیا
لیکن فقیہِ شہر نے جس دم سُنی یہ بات
گرما کے مثلِ صاعقۂ طُور ہو گیا
’ذِمّی کا مال لشکرِ مسلم پہ ہے حرام‘
فتویٰ تمام شہر میں مشہور ہو گیا
چھُوتی نہ تھی یہود و نصاریٰ کا مال فوجarooz could not scan this line
مسلم، خدا کے حکم سے مجبور ہوگیاarooz could not scan this line
A small circle marks a line arooz could not fit to the poem’s bahr. That is a limit of arooz, not of the poet: the text may leave an izafat unwritten, a word may be missing from arooz’s dictionary, or the line may use a licence arooz does not yet model.