خطاب بہ جوانان اسلام

کبھی اے نوجواں مسلم! تدبّر بھی کِیا تُو نےarooz could not scan this line

وہ کیا گردُوں تھا تُو جس کا ہے اک ٹُوٹا ہوا تارا

تجھے اس قوم نے پالا ہے آغوشِ محبّت میں

کُچل ڈالا تھا جس نے پاؤں میں تاجِ سرِ داراarooz could not scan this line

تمدّن آفریں، خلاّقِ آئینِ جہاں داری

وہ صحرائے عرب یعنی شتربانوں کا گہواراarooz could not scan this line

سماں ’الفُقْرَ و فَخرْی‘ کا رہا شانِ امارت میںarooz could not scan this line

“بآب و رنگ و خال و خط چہ حاجت رُوے زیبا را”arooz could not scan this line

گدائی میں بھی وہ اللہ والے تھے غیور اتنے

کہ مُنعم کو گدا کے ڈر سے بخشش کا نہ تھا یارا

غرض مَیں کیا کہُوں تجھ سے کہ وہ صحرا نشیں کیا تھے

جہاں‌گیر و جہاں‌دار و جہاں‌بان و جہاں‌آراarooz could not scan this line

اگر چاہوں تو نقشہ کھینچ کر الفاظ میں رکھ دوں

مگر تیرے تخیّل سے فزوں تر ہے وہ نظّارا

تجھے آبا سے اپنے کوئی نسبت ہو نہیں سکتی

کہ تُو گُفتار وہ کردار، تُو ثابت وہ سیّارا

گنوا دی ہم نے جو اسلاف سے میراث پائی تھی

ثُریّا سے زمیں پر آسماں نے ہم کو دے مارا

حکومت کا تو کیا رونا کہ وہ اک عارضی شے تھی

نہیں دنیا کے آئینِ مسلَّم سے کوئی چارا

مگر وہ عِلم کے موتی، کتابیں اپنے آبا کی

جو دیکھیں ان کو یورپ میں تو دل ہوتا ہے سیپارا

“غنیؔ! روزِ سیاہِ پیرِ کنعاں را تماشا کُنarooz could not scan this line

کہ نُورِ دیدہ اش روشن کُند چشمِ زلیخا را”arooz could not scan this line