کمالِ جوشِ جُنوں میں رہا مَیں گرمِ طواف

کمالِ جوشِ جُنوں میں رہا مَیں گرمِ طواف

خدا کا شُکر، سلامت رہا حرم کا غلاف

یہ اتّفاق مبارک ہو مومنوں کے لیے

کہ یک زباں ہیں فقیہانِ شہر میرے خلاف

تڑپ رہا ہے فلاطوں میانِ غیب و حضور

ازل سے اہلِ خرد کا مقام ہے اعراف

ترے ضمیر پہ جب تک نہ ہو نزولِ کتاب

گِرہ کُشا ہے نہ رازی نہ صاحبِ کشّاف

سُرور و سوز میں ناپائدار ہے، ورنہ

مئے فرنگ کا تہ جُرعہ بھی نہیں ناصاف