جبریل وابلیس

ہمدمِ دیرینہ! کیسا ہے جہانِ رنگ و بُو؟

سوز و ساز و درد و داغ و جستجوے و آرزوarooz could not scan this line

ہر گھڑی افلاک پر رہتی ہے تیری گُفتگو

کیا نہیں ممکن کہ تیرا چاکِ دامن ہو رُفو؟

آہ اے جِبریل! تُو واقف نہیں اس راز سے

کر گیا سرمست مجھ کو ٹُوٹ کر میرا سبُو

اب یہاں میری گزر ممکن نہیں، ممکن نہیں

کس قدر خاموش ہے یہ عالَمِ بے کاخ و کُو!

جس کی نومِیدی سے ہو سوزِ دُرونِ کائنات

اُس کے حق میں ’تَقنَطُوا‘ اچھا ہے یا ’لاتَقنَطُوا‘؟arooz could not scan this line

کھو دیے انکار سے تُو نے مقاماتِ بلند

چشمِ یزداں میں فرشتوں کی رہی کیا آبرو!

ہے مری جُرأت سے مشتِ خاک میں ذوقِ نموarooz could not scan this line

میرے فتنے جامۂ عقل و خِرد کا تاروپوarooz could not scan this line

دیکھتا ہے تُو فقط ساحل سے رزمِ خیر و شر

کون طُوفاں کے طمانچے کھا رہا ہے، مَیں کہ تو؟

خِضر بھی بے دست و پا، الیاس بھی بے دست و پا

میرے طوفاں یم بہ یم، دریا بہ دریا، جُو بہ جُو

گر کبھی خلوَت میَسّر ہو تو پُوچھ اللہ سے

قِصّۂ آدم کو رنگیں کر گیا کس کا لہُو!

مَیں کھٹکتا ہُوں دلِ یزداں میں کانٹے کی طرح

تُو فقط اَﷲھوٗ، اَﷲھوٗ، اَﷲھوٗ!arooz could not scan this line