مرد مسلمان

ہرلحظہ ہے مومن کی نئی شان، نئی آن

گُفتار میں، کردار میں، اللہ کی برُہان!

قہاّری و غفاّری و قدّوسی و جبروتarooz could not scan this line

یہ چار عناصر ہوں تو بنتا ہے مسلمان

ہمسایۂ جِبریلِ امیں بندۂ خاکیarooz could not scan this line

ہے اس کا نشیمن نہ بخارا نہ بدخشان

یہ راز کسی کو نہیں معلوم کہ مومن

قاری نظر آتا ہے، حقیقت میں ہے قُرآن!

قُدرت کے مقاصد کا عیار اس کے ارادے

دُنیا میں بھی میزان، قیامت میں بھی میزان

جس سے جگَرِ لالہ میں ٹھنڈک ہو، وہ شبنم

دریاؤں کے دِل جس سے دہَل جائیں، وہ طوفان

فطرت کا سرودِ اَزلی اس کے شب و روز

آہنگ میں یکتا صفَتِ سورۂ رحمٰن

بنتے ہیں مری کارگہِ فکر میں انجم

لے اپنے مقدّر کے ستارے کو تو پہچان!