نکتہ توحید

بیاں میں نکتۂ توحید آ تو سکتا ہے

ترے دماغ میں بُت خانہ ہو تو کیا کہیے

وہ رمزِ شوق کہ پوشیدہ لااِلہٰ میں ہےarooz could not scan this line

طریقِ شیخ فقیہانہ ہو تو کیا کہیے

سُرور جو حق و باطل کی کارزار میں ہے

تُو حرب و ضرب سے بیگانہ ہو تو کیا کہیےarooz could not scan this line

جہاں میں بندۂ حُر کے مشاہدات ہیں کیا

تِری نگاہ غلامانہ ہو تو کیا کہیےarooz could not scan this line

مقامِ فقر ہے کتنا بلند شاہی سے

روِش کسی کی گدایانہ ہو تو کیا کہیے!