ایک فلسفہ زدہ سید زادے کے نام
تُو اپنی خودی اگر نہ کھوتا
زُناّریِ برگساں نہ ہوتاarooz could not scan this line
ہیگل کا صدَف گُہر سے خالی
ہے اُس کا طلِسم سب خیالی
محکم کیسے ہو زندگانی
کس طرح خودی ہو لازمانی!
آدم کو ثبات کی طلب ہے
دستورِ حیات کی طلب ہے
دُنیا کی عشا ہو جس سے اِشراق
مومن کی اذاں نِدائے آفاق
مَیں اصل کا خاص سومناتی
آبا مرے لاتی و مناتیarooz could not scan this line
تو سیّدِ ہاشمی کی اولاد
میری کفِ خاک برہمن زاد
ہے فلسفہ میرے آب و گِل میں
پوشیدہ ہے ریشہ ہائے دل میں
اقبالؔ اگرچہ بے ہُنر ہے
اس کی رگ رگ سے باخبر ہے
شُعلہ ہے ترے جُنوں کا بے سوز
سُن مجھ سے یہ نکتۂ دل افروز
انجامِ خِرد ہے بے حضوری
ہے فلسفہ زندگی سے دُوری
افکار کے نغمہ ہائے بے صوت
ہیں ذوقِ عمل کے واسطے موت
دیں مسلکِ زندگی کی تقویم
دیں سِرِّ محمدؐ و براہیمؑarooz could not scan this line
“دل در سخنِ محمدیؐ بندarooz could not scan this line
اے پورِ علیؓ ز بوعلی چند!
چوں دیدۂ راہ بیں نداری
قاید قرشی بہ از بخاری”arooz could not scan this line
A small circle marks a line arooz could not fit to the poem’s bahr. That is a limit of arooz, not of the poet: the text may leave an izafat unwritten, a word may be missing from arooz’s dictionary, or the line may use a licence arooz does not yet model.