تقدیر

اے خدائے کُن فکاں! مجھ کو نہ تھا آدم سے بَیر

آہ! وہ زندانیِ نزدیک و دُور و دیر و زُود

حرفِ ’اِستکبار‘ تیرے سامنے ممکن نہ تھاarooz could not scan this line

ہاں، مگر تیری مشیّت میں نہ تھا میرا سجود

کب کھُلا تجھ پر یہ راز، انکار سے پہلے کہ بعد؟

بعد، اے تیری تجلّی سے کمالاتِ وجود!

پستیِ فطرت نے سِکھلائی ہے یہ حُجتّ اسے

کہتا ہے ’تیری مشیّت میں نہ تھا میرا سجود،

دے رہا ہے اپنی آزادی کو مجبوری کا نام

ظالم اپنے شُعلۂ سوزاں کو خود کہتا ہے دُود!