مسجد قوت الاسلام

ہے مرے سِینۂ بے نُور میں اب کیا باقی

’لااِلہ‘ مُردہ و افسُردہ و بے ذوقِ نمودarooz could not scan this line

چشمِ فطرت بھی نہ پہچان سکے گی مجھ کو

کہ ایازی سے دِگرگُوں ہے مقامِ محمودؔarooz could not scan this line

کیوں مسلماں نہ خِجل ہو تری سنگینی سے

کہ غلامی سے ہُوا مثلِ زُجاج اس کا وجود

ہے تری شان کے شایاں اُسی مومن کی نماز

جس کی تکبیر میں ہو معرکۂ بود و نبود

اب کہاں میرے نفَس میں وہ حرارت، وہ گداز

بے تب و تابِ درُوں میری صلوٰۃ اور درُود

ہے مِری بانگِ اذاں میں نہ بلندی، نہ شکوہ

کیا گوارا ہے تجھے ایسے مسلماں کا سجود؟