شوق ہر رنگ رقیب سر و ساماں نکلا

شوق ہر رنگ رقیب سر و ساماں نکلاarooz could not scan this line

قیس تصویر کے پردے میں بھی عریاں نکلا

زخم نے داد نہ دی تنگئ دل کی یا رب

تیر بھی سینۂ بسمل سے پرافشاں نکلاarooz could not scan this line

بوئے گل نالۂ دل دود چراغ محفلarooz could not scan this line

جو تری بزم سے نکلا سو پریشاں نکلا

دل حسرت زدہ تھا مائدۂ لذت دردarooz could not scan this line

کام یاروں کا بہ قدر لب و دنداں نکلاarooz could not scan this line

تھی نوآموز فنا ہمت دشوار پسندarooz could not scan this line

سخت مشکل ہے کہ یہ کام بھی آساں نکلا

دل میں پھر گریہ نے اک شور اٹھایا غالبؔ

آہ جو قطرہ نہ نکلا تھا سو طوفاں نکلا

کارخانے سے جنوں کے بھی میں عریاں نکلا

میری قسمت کا نہ ایک آدھ گریباں نکلا

ساغر جلوۂ سرشار ہے ہر ذرۂ خاکarooz could not scan this line

شوق دیدار بلا آئنہ ساماں نکلا

کچھ کھٹکتا تھا مرے سینے میں لیکن آخر

جس کو دل کہتے تھے سو تیر کا پیکاں نکلا

کس قدر خاک ہوا ہے دل مجنوں یا ربarooz could not scan this line

نقش ہر ذرہ سویداۓ بیاباں نکلاarooz could not scan this line

شور رسوائی دل دیکھ کہ یک نالۂ شوقarooz could not scan this line

لاکھ پردے میں چھپا پر وہی عریاں نکلا

شوخیٔ رنگ حنا خون وفا سے کب تک

آخر اے عہد شکن تو بھی پشیماں نکلا

جوہر ایجاد خط سبز ہے خود بینیٔ حسنarooz could not scan this line

جو نہ دیکھا تھا سو آئینے میں پنہاں نکلا

میں بھی معذور جنوں ہوں اسدؔ اے خانہ خراب

پیشوا لینے مجھے گھر سے بیاباں نکلا