شب کہ وہ مجلس فروزِ خلوتِ ناموس تھا

شب کہ وہ مجلس فروزِ خلوتِ ناموس تھا

رشتۂٴ ہر شمع خارِ کِسوتِ فانوس تھاarooz could not scan this line

بت پرستی ہے بہارِ نقش بندی ہائے دہر

ہر صریرِ خامہ میں اک نالۂ ناقوس تھا

مشہدِ عاشق سے کوسوں تک جو اُگتی ہے حنا

کس قدر یا رب! ہلاکِ حسرتِ پابوس تھا

حاصلِ الفت نہ دیکھا جز شکستِ آرزو

دل بہ دل پیوستہ، گویا، یک لبِ افسوس تھا

کیا کروں بیماریِ غم کی فراغت کا بیاں

جو کہ کھایا خونِ دل، بے منتِ کیموس تھا

کل اسدؔ کو ہم نے دیکھا گوشۂ غم خانہ میں

دست بر سر، سر بزانوئے دلِ مایوس تھا