جس جا نسیم شانہ کشِ زلفِ یار ہے

جس جا نسیم شانہ کشِ زلفِ یار ہے

نافہ دماغِ آہوئے دشتِ تتار ہے

کس کا سرا غِ جلوہ ہے حیرت کو اے خدا

آیئنہ فرشِ شش جہتِ انتظار ہےarooz could not scan this line

ہے ذرہ ذرہ تنگئِ جا سے غبارِ شوق

گردام یہ ہے و سعتِ صحرا شکار ہےarooz could not scan this line

دل مدّعی و دیدہ بنا مدّعا علیہ

نظارے کا مقدّمہ پھر روبکار ہے

چھڑکے ہے شبنم آئینۂ برگِ گل پر آب

اے عندلیب وقتِ ود اعِ بہار ہے

پچ آپڑی ہے وعدۂ دلدار کی مجھے

وہ آئے یا نہ آئے پہ یاں انتظار ہے

بے پردہ سوئے وادئِ مجنوں گزر نہ کر

ہر ذرّے کے نقاب میں دل بے قرار ہے

اے عندلیب یک کفِ خس بہرِ آشیاں

طوفانِ آمد آمدِ فصلِ بہار ہے

دل مت گنوا، خبر نہ سہی سیر ہی سہی

اے بے دماغ آئینہ تمثال دار ہے

غفلت کفیلِ عمر و اسد ضامنِ نشاط

اے مر گِ ناگہاں تجھے کیا انتظار ہے