پھر کچھ اس دل کو بیقراری ہے

پھر کچھ اس دل کو بیقراری ہے

سینہ جویاۓ زخمِ کاری ہے

پھِر جگر کھودنے لگا ناخن

آمدِ فصلِ لالہ کاری ہے

قبلۂ مقصدِ نگاہِ نیاز

پھر وہی پردۂ عماری ہے

چشم دلاّلِ جنسِ رسوائی

دل خریدارِ ذوقِ خواری ہے

وُہ ہی* صد رنگ نالہ فرسائی

وُہ ہی* صد گونہ اشک باری ہے

دل ہواۓ خرامِ ناز سے پھرarooz could not scan this line

محشرستانِ بیقراری ہے

جلوہ پھر عرضِ ناز کرتا ہے

روزِ بازارِ جاں سپاری ہے

پھر اسی بے وفا پہ مرتے ہیں

پھر وہی زندگی ہماری ہے

پھر کھلا ہے درِ عدالتِ ناز

گرم بازارِ فوجداری ہے

ہو رہا ہے جہان میں اندھیرarooz could not scan this line

زلف کی پھر سرشتہ داری ہے

پھر دیا پارۂ جگر نے سوال

ایک فریاد و آہ و زاری ہے

پھر ہوئے ہیں گواہِ عشق طلب

اشک باری کا حکم جاری ہے

دل و مژگاں کا جو مقدمہ تھا

آج پھر اس کی روبکاری ہے

بے خودی بے سبب نہیں غالب

کچھ تو ہے جس کی پردہ داری ہے