نہیں ہے رخم کوئی بخیے کے درخُور مرے تن میں

نہیں ہے رخم کوئی بخیے کے درخُور مرے تن میںarooz could not scan this line

ہُوا ہے تارِ اشکِ یاس، رشتہ چشمِ سوزن میں

ہُوئی ہے مانعِ ذوقِ تماشا، خانہ ویرانی

کفِ سیلاب باقی ہے برنگِ پنبہ روزن میں

ودیعت خانۂ بے دادِ کاوش ہائے مژگاں ہوں

نگینِ نامِ شاہد ہے مرا ہر قطرہ خوں تن میں

بیاں کس سے ہو ظلمت گستری میرے شبستاں کی

شبِ مہ ہو جو رکھ دیں پنبہ دیواروں کے روزن میں

نکو ہش مانعِ بے ربطئ شورِ جنوں آئیarooz could not scan this line

ہُوا ہے خندہ احباب بخیہ جَیب و دامن میںarooz could not scan this line

ہوئے اُس مِہر وَش کے جلوۂ تمثال کے آگے

پَرافشاں جوہرآئینے میں مثلِ ذرّہ روزن میںarooz could not scan this line

نہ جانوں نیک ہُوں یا بد ہُوں، پر صحبت مخالف ہے

جو گُل ہُوں تو ہُوں گلخن میں جو خس ہُوں تو ہُوں گلشن میں

ہزاروں دل دیئے جوشِ جنونِ عشق نے مجھ کو

سیہ ہو کر سویدا ہو گیا ہر قطرہ خوں تن میں

اسد زندانئ تاثیرِ الفت ہائے خوباں ہُوں

خمِ دستِ نوازش ہو گیا ہے طوق گردن میں