مانع دشت نوردی کوئی تدبیر نہیں

مانع دشت نوردی کوئی تدبیر نہیںarooz could not scan this line

ایک چکّر ہے مرے پاؤں میں زنجیر نہیں

شوق اس دشت میں دوڑائے ہے مجھ کو، کہ جہاں

جادہ غیر از نگہِ دیدۂ تصویر نہیں

حسرتِ لذّتِ آزار رہی جاتی ہے

جادۂ راہِ وفا جز دمِ شمشیر نہیں

رنجِ نومیدیِ جاوید گوارا رہیو

خوش ہوں گر نالہ زبونی کشِ تاثیر نہیں

سر کھجاتا ہے جہاں زخمِ سر اچھا ہو جائےarooz could not scan this line

لذّتِ سنگ بہ اندازۂ تقریر نہیں

آئینہ دام کو سبزے میں چھپاتا ہے عبث

کہ پری زادِ نظر قابلِ تسخیر نہیں

مثلِ گُل زخم ہے میرا بھی سناں سے توام

تیرا ترکش ہی کچھ آبِستنِ تیر نہیںarooz could not scan this line

جب کرم رخصتِ بیباکی و گستاخی دےarooz could not scan this line

کوئی تقصیر بجُز خجلتِ تقصیر نہیں

میرؔ کے شعر کا احوال کہوں کیا غالبؔ

جس کا دیوان کم از گلشنِ کشمیر نہیں

غالبؔ اپنا یہ عقیدہ ہے بقولِ ناسخ

“آپ بے بہرہ ہے جو معتقدِ میر نہیں”arooz could not scan this line