تضمین بر شعر انیسی شاملو

ہمیشہ صورتِ بادِ سحَر آوارہ رہتا ہوں

محبّت میں ہے منزل سے بھی خوشتر جادہ پیمائی

دلِ بے تاب جا پہنچا دیارِ پیرِ سنجر میں

میسّر ہے جہاں درمانِ دردِ ناشکیبائی

ابھی ناآشنائے لب تھا حرفِ آرزو میرا

زباں ہونے کو تھی منّت پذیرِ تابِ گویائی

یہ مرقد سے صدا آئی، حرم کے رہنے والوں کو

شکایت تجھ سے ہے اے تارکِ آئینِ آبائی!

ترا اے قیس کیونکر ہوگیا سوزِ درُوں ٹھنڈاarooz could not scan this line

کہ لیلیٰ میں تو ہیں اب تک وہی اندازِ لیلائی

نہ تخمِ ’لا الہ‘ تیری زمینِ شور سے پھُوٹا

زمانے بھر میں رُسوا ہے تری فطرت کی نازائی

تجھے معلوم ہے غافل کہ تیری زندگی کیا ہے

کُنِشتی ساز، معمورِ نوا ہائے کلیسائی

ہُوئی ہے تربیت آغوشِ بیت اللہ میں تیریarooz could not scan this line

دلِ شوریدہ ہے لیکن صنم خانے کا سودائی

“وفا آموختی از ما، بکارِ دیگراں کر دیarooz could not scan this line

ربودی گوہرے از ما نثارِ دیگراں کر دی”