نمود صبح

ہو رہی ہے زیرِ دامانِ اُفُق سے آشکار

صبح یعنی دخترِ دوشیزۂ لیل و نہار

پا چُکا فرصت درُودِ فصلِ انجم سے سپہر

کشتِ خاور میں ہُوا ہے آفتاب آئینہ کار

آسماں نے آمدِ خورشید کی پا کر خبر

محملِ پروازِ شب باندھا سرِ دوشِ غبار

شعلۂ خورشید گویا حاصل اس کھیتی کا ہے

بوئے تھے دہقانِ گردُوں نے جو تاروں کے شرار

ہے رواں نجمِ سحَر، جیسے عبادت خانے سے

سب سے پیچھے جائے کوئی عابدِ شب زندہ دار

کیا سماں ہے جس طرح آہستہ آہستہ کوئی

کھینچتا ہو میان کی ظلمت سے تیغِ آب دارarooz could not scan this line

جیسے خلوت گاہِ مینا میں شرابِ خوش گوارarooz could not scan this line

ہے تہِ دامانِ بادِ اختلاط انگیزِ صبح

شورشِ ناقوس، آوازِ اذاں سے ہمکنار

جاگے کوئل کی اذاں سے طائرانِ نغمہ سنج

ہے ترنّم ریز قانونِ سحَر کا تار تار