بلاد اسلامیہ

سرزمیں دلّی کی مسجودِ دلِ غم دیدہ ہے

ذرّے ذرّے میں لہُو اسلاف کا خوابیدہ ہے

پاک اس اُجڑے گُلستاں کی نہ ہو کیونکر زمیں

خانقاہِ عظمتِ اسلام ہے یہ سرزمیںarooz could not scan this line

سوتے ہیں اس خاک میں خیرالامم کے تاجدارarooz could not scan this line

نظمِ عالم کا رہا جن کی حکومت پر مدار

دل کو تڑپاتی ہے اب تک گرمیِ محفل کی یاد

جل چُکا حاصل مگر محفوظ ہے حاصل کی یاد

ہے زیارت گاہِ مسلم گو جہان آباد بھی

اس کرامت کا مگر حق دار ہے بغداد بھی

یہ چمن وہ ہے کہ تھا جس کے لیے سامانِ ناز

لالۂ صحرا جسے کہتے ہیں تہذیبِ حجاز

خاک اس بستی کی ہو کیونکر نہ ہمدوشِ اِرم

جس نے دیکھے جانشینانِ پیمبرؐ کے قدمarooz could not scan this line

جس کے غُنچے تھے چمن ساماں، وہ گلشن ہے یہی

کانپتا تھا جن سے روما، اُن کا مدفن ہے یہی

ہے زمینِ قُرطُبہ بھی دیدۂ مسلم کا نور

ظلمتِ مغرب میں جو روشن تھی مثلِ شمعِ طُور

بُجھ کے بزمِ ملّتِ بیضا پریشاں کر گئی

اور دِیا تہذیبِ حاضر کا فروزاں کر گئی

قبر اُس تہذیب کی یہ سر زمینِ پاک ہے

جس سے تاکِ گلشنِ یورپ کی رگ نم ناک ہے

خطّۂ قُسطنطنیّہ یعنی قیصر کا دیارarooz could not scan this line

مہدیِ اُمّت کی سَطوت کا نشانِ پائدار

صورتِ خاکِ حرم یہ سر زمیں بھی پاک ہے

آستانِ مسند آرائے شہِ لولاکؐ ہےarooz could not scan this line

نکہتِ گُل کی طرح پاکیزہ ہے اس کی ہوا

تُربتِ ایّوب انصاریؓ سے آتی ہے صدا

اے مسلماں! ملّتِ اسلام کا دل ہے یہ شہر

سینکڑوں صدیوں کی کُشت و خُوں کا حاصل ہے یہ شہر

وہ زمیں ہے تُو مگر اے خواب گاہِ مُصطفیٰؐarooz could not scan this line

دید ہے کعبے کو تیری حجِّ اکبر سے سواarooz could not scan this line

خاتمِ ہستی میں تُو تاباں ہے مانندِ نگیں

اپنی عظمت کی ولادت گاہ تھی تیری زمیںarooz could not scan this line

تُجھ میں راحت اُس شہنشاہِ معظّمؐ کو مِلیarooz could not scan this line

جس کے دامن میں اماں اقوامِ عالم کو مِلی

نام لیوا جس کے شاہنشاہ عالم کے ہوئے

جانشیں قیصر کے، وارث مسندِ جم کے ہوئے

ہے اگر قومیّتِ اسلام پابندِ مقام

ہند ہی بنیاد ہے اس کی، نہ فارس ہے، نہ شام

آہ یثرِب! دیس ہے مسلم کا تُو، املاء ہے تُوarooz could not scan this line

نُقطۂ جاذب تاثّر کی شعاعوں کا ہے تُو

جب تلک باقی ہے تُو دنیا میں، باقی ہم بھی ہیں

صُبح ہے تو اِس چمن میں گوہرِ شبنم بھی ہیں