کُشادہ دستِ کرم جب وہ بے نیاز کرے

کُشادہ دستِ کرم جب وہ بے نیاز کرے

نیاز مند نہ کیوں عاجزی پہ ناز کرےarooz could not scan this line

بِٹھا کے عرش پہ رکھّا ہے تو نے اے واعظ!

خدا وہ کیا ہے جو بندوں سے احتراز کرے

مری نگاہ میں وہ رند ہی نہیں ساقی

جو ہوشیاری و مستی میں امتیاز کرے

مدام گوش بہ دل رہ، یہ ساز ہے ایسا

جو ہو شکستہ تو پیدا نوائے راز کرے

کوئی یہ پُوچھے کہ واعظ کا کیا بگڑتا ہے

جو بے عمل پہ بھی رحمت وہ بے نیاز کرے

سخن میں سوز، الٰہی کہاں سے آتا ہے

یہ چیز وہ ہے کہ پتھّر کو بھی گداز کرے

تمیزِ لالہ و گُل سے ہے نالۂ بُلبل

جہاں میں وا نہ کوئی چشمِ امتیاز کرے

غرورِ زُہد نے سِکھلا دیا ہے واعظ کوarooz could not scan this line

کہ بندگانِ خدا پر زباں دراز کرے

ہوا ہو ایسی کہ ہندوستاں سے اے اقبالؔ

اُڑا کے مجھ کو غبارِ رہِ حجاز کرے