بلال

چمک اُٹھا جو ستارہ ترے مقدّر کا

حبَش سے تجھ کو اُٹھا کر حجاز میں لایا

ہُوئی اسی سے ترے غم کدے کی آبادی

تری غلامی کے صدقے ہزار آزادیarooz could not scan this line

وہ آستاں نہ چھُٹا تجھ سے ایک دم کے لیے

کسی کے شوق میں تو نے مزے ستم کے لیے

جفا جو عشق میں ہوتی ہے وہ جفا ہی نہیں

ستم نہ ہو تو محبت میں کچھ مزا ہی نہیں

نظر تھی صورتِ سلماںؓ ادا شناس تریarooz could not scan this line

شرابِ دید سے بڑھتی تھی اور پیاس تری

تجھے نظارے کا مثلِ کلیمؑ سودا تھاarooz could not scan this line

اویسؓ طاقتِ دیدار کو ترستا تھاarooz could not scan this line

مدینہ تیری نگاہوں کا نور تھا گویا

ترے لیے تو یہ صحرا ہی طُور تھا گویا

تری نظر کو رہی دید میں بھی حسرتِ دید

خُنَک دلے کہ تپید و دمے نیا سائید

گری وہ برق تری جانِ ناشکیبا پر

کہ خندہ زن تری ظُلمت تھی دستِ موسیٰ پر

تپش ز شعلہ گر فتند و بر دلِ تو زدندarooz could not scan this line

چہ برقِ جلوہ بخاشاکِ حاصلِ تو زدند!arooz could not scan this line

ادائے دید سراپا نیاز تھی تیری

کسی کو دیکھتے رہنا نماز تھی تیری

اذاں ازل سے ترے عشق کا ترانہ بنی

نماز اس کے نظارے کا اک بہانہ بنیarooz could not scan this line

خوشا وہ وقت کہ یثرِب مقام تھا اس کا

خوشا وہ دور کہ دیدار عام تھا اس کا