نا لہ فراق

جا بسا مغرب میں آخر اے مکاں تیرا مکیں

آہ! مشرق کی پسند آئی نہ اس کو سر زمیں

آگیا آج اس صداقت کا مرے دل کو یقیں

ظُلمتِ شب سے ضیائے روزِ فرقت کم نہیں

“تا ز آغوشِ وداعش داغِ حیرت چیدہ استarooz could not scan this line

ہمچو شمعِ کُشتہ در چشمم نگہ خوابیدہ است”arooz could not scan this line

کُشتۂ عُزلت ہوں، آبادی میں گھبراتا ہوں میںarooz could not scan this line

شہر سے سودا کی شدّت میں نکل جاتا ہوں میں

یادِ ایّامِ سلَف سے دل کو تڑپاتا ہوں میں

بہرِ تسکیں تیری جانب دوڑتا آتا ہوں میں

آنکھ گو مانوس ہے تیرے در و دیوار سے

اجنبیّت ہے مگر پیدا مری رفتار سے

ذرّہ میرے دل کا خورشید آشنا ہونے کو تھا

آئنہ ٹُوٹا ہُوا عالم نما ہونے کو تھا

نخل میری آرزوؤں کا ہرا ہونے کو تھا

آہ! کیا جانے کوئی میں کیا سے کیا ہونے کو تھا

ابرِ رحمت دامن از گُلزارِ من برچید و رفت

اندکے بر غنچہ ہائے آرزُو بارید و رفت

تُو کہاں ہے اے کلیمِ ذروۂ سینائے علم

تھی تری موجِ نفَس بادِ نشاط افزائے علم

اب کہاں وہ شوقِ رہ پیمائیِ صحرائے علمarooz could not scan this line

تیرے دم سے تھا ہمارے سر میں بھی سودائے علم

“شورِ لیلیٰ کو کہ باز آرایشِ سودا کندarooz could not scan this line

خاکِ مجنوں را غبارِ خاطرِ صحرا کند”arooz could not scan this line

کھول دے گا دشتِ وحشت عقدۂ تقدیر کو

توڑ کر پہنچوں گا مَیں پنجاب کی زنجیر کو

دیکھتا ہے دیدۂ حیراں تری تصویر کو

کیا تسلّی ہو مگر گرویدۂ تقریر کو

“تابِ گویائی نہیں رکھتا دہَن تصویر کاarooz could not scan this line

خامشی کہتے ہیں جس کو، ہے سخن تصویر کا”