پیا م صبح
اُجالا جب ہُوا رخصت جبینِ شب کی افشاں کا
نسیمِ زندگی پیغام لائی صبحِ خنداں کا
جگایا بُلبلِ رنگیں نوا کو آشیانے میں
کنارے کھیت کے شانہ ہِلایا اُس نے دہقاں کا
طلسمِ ظلمتِ شب سُورۂ والنُّور سے توڑاarooz could not scan this line
اندھیرے میں اُڑایا تاجِ زر شمعِ شبستاں کاarooz could not scan this line
پڑھا خوابیدگانِ دَیر پر افسونِ بیداریarooz could not scan this line
برہمن کو دیا پیغام خورشیدِ دُرَخشاں کا
ہُوئی بامِ حرم پر آ کے یوں گویا مؤذّن سےarooz could not scan this line
نہیں کھٹکا ترے دل میں نمودِ مہرِ تاباں کا؟
پُکاری اس طرح دیوارِ گلشن پر کھڑے ہو کر
چٹک او غنچہ گُل! تُو مؤذّن ہے گُلستاں کاarooz could not scan this line
دیا یہ حکم صحرا میں چلو اے قافلے والو!
چمکنے کو ہے جُگنو بن کے ہر ذرّہ بیاباں کا
سوئے گورِ غریباں جب گئی زندوں کی بستی سے
تو یوں بولی نظارا دیکھ کر شہرِ خموشاں کاarooz could not scan this line
ابھی آرام سے لیٹے رہو، مَیں پھر بھی آؤں گی
سُلادوں گی جہاں کو، خواب سے تم کو جگاؤں گی
A small circle marks a line arooz could not fit to the poem’s bahr. That is a limit of arooz, not of the poet: the text may leave an izafat unwritten, a word may be missing from arooz’s dictionary, or the line may use a licence arooz does not yet model.