میں اورتو

نہ سلیقہ مجھ میں کلیم کا نہ قرینہ تجھ میں خلیل کا

میں ہلاک جادوئے سامری، تو قتیل شیوئہ آزریarooz could not scan this line

میں نوائے سوختہ در گلو ، تو پریدہ رنگ، رمیدہ بو

میں حکایت غم آرزو ، تو حدیث ماتم دلبریarooz could not scan this line

مرا عیش غم ،مرا شہد سم ، مری بود ہم نفس عدمarooz could not scan this line

ترا دل حرم، گرو عجم ترا دیں خریدہ کافریarooz could not scan this line

دم زندگی رم زندگی، غم زندگی سم زندگیarooz could not scan this line

غم رم نہ کر، سم غم نہ کھا کہ یہی ہے شان قلندریarooz could not scan this line

تری خاک میں ہے اگر شرر تو خیال فقر و غنا نہ کر

کہ جہاں میں نان شعیر پر ہے مدار قوت حیدریarooz could not scan this line

!کوئی ایسی طرز طواف تو مجھے اے چراغ حرم بتا

کہ ترے پتنگ کو پھر عطا ہو وہی سرشت سمندری

گلہء جفائے وفا نما کہ حرم کو اہل حرم سے ہےarooz could not scan this line

'کسی بت کدے میں بیاں کروں تو کہے صنم بھی 'ہری ہری

نہ ستیزہ گاہ جہاں نئی نہ حریف پنجہ فگن نئے

وہی فطرت اسد اللہی وہی مرحبی، وہی عنتریarooz could not scan this line

کرم اے شہ عرب و عجم کہ کھڑے ہیں منتظر کرمarooz could not scan this line

وہ گدا کہ تو نے عطا کیا ہے جنھیں دماغ سکندری