قرب سلطان

تمیزِ حاکم و محکوم مِٹ نہیں سکتی

مجال کیا کہ گداگر ہو شاہ کا ہمدوش

جہاں میں خواجہ پرستی ہے بندگی کا کمال

رضائے خواجہ طلب کُن قباے رنگیں پوشarooz could not scan this line

مگر غرض جو حصولِ رضائے حاکم ہوarooz could not scan this line

خطاب مِلتا ہے منصب پرست و قوم فروش

پُرانے طرزِ عمل میں ہزار مشکل ہے

نئے اصول سے خالی ہے فکر کی آغوش

مزا تو یہ ہے کہ یوں زیرِ آسماں رہیے

“ہزار گُونہ سخن در دہان و لب خاموش”arooz could not scan this line

یہی اصول ہے سرمایۂ سکُونِ حیات

“گداے گوشہ نشینی تو حافظاؔ مخروش”arooz could not scan this line

مگر خروش پہ مائل ہے تُو تو بسم اللہ

“بگیر بادۂ صافی، ببانگِ چنگ بنوش”arooz could not scan this line

شریکِ بزمِ امیر و وزیر و سُلطاں ہو

لڑا کے توڑ دے سنگِ ہوَس سے شیشۂ ہوش

پیامِ مُرشدِ شِیراز بھی مگر سُن لے

کہ ہے یہ سِرِّ نہاں خانۂ ضمیرِ سروشarooz could not scan this line

“محلِّ نورِ تجلّی ست راے انور شاہarooz could not scan this line

چو قُربِ او طلَبی درصفاے نیّت کوش”arooz could not scan this line