حضور رسالت مآب میں

گراں جو مجھ پہ یہ ہنگامۂ زمانہ ہُوا

جہاں سے باندھ کے رختِ سفر روانہ ہُوا

قیودِ شام و سحَر میں بسر تو کی لیکن

نظامِ کُہنۂ عالم سے آشنا نہ ہُوا

فرشتے بزمِ رسالتؐ میں لے گئے مجھ کوarooz could not scan this line

حضورِ آیۂ رحمتؐ میں لے گئے مجھ کوarooz could not scan this line

کہا حضورؐ نے، اے عندلیبِ باغِ حجاز!arooz could not scan this line

کلی کلی ہے تری گرمیِ نوا سے گُداز

ہمیشہ سرخوشِ جامِ وِلا ہے دل تیراarooz could not scan this line

فتادگی ہے تری غیرتِ سجودِ نیازarooz could not scan this line

اُڑا جو پستیِ دنیا سے تُو سُوئے گردُوں

سِکھائی تجھ کو ملائک نے رفعتِ پرواز

نکل کے باغِ جہاں سے برنگِ بُو آیا

ہمارے واسطے کیا تُحفہ لے کے تُو آیا؟

“حضورؐ! دہر میں آسُودگی نہیں مِلتیarooz could not scan this line

تلاش جس کی ہے وہ زندگی نہیں مِلتی

ہزاروں لالہ و گُل ہیں ریاضِ ہستی میں

وفا کی جس میں ہو بُو، وہ کلی نہیں مِلتی

مگر میں نذر کو اک آبگینہ لایا ہوں

جو چیز اس میں ہے، جنّت میں بھی نہیں ملتی

جھلکتی ہے تری اُمّت کی آبرو اس میں

طرابلس کے شہیدوں کا ہے لہُو اس میں”arooz could not scan this line