سیر فلک

تھا تخیُّل جو ہم سفر میرا

آسماں پر ہُوا گزر میرا

اُڑتا جاتا تھا اور نہ تھا کوئی

جاننے والا چرخ پر میرا

تارے حیرت سے دیکھتے تھے مجھے

رازِ سر بستہ تھا سفر میرا

حلقۂ صُبح و شام سے نکلا

اس پُرانے نظام سے نکلا

کیا سُناؤں تمھیں اِرم کیا ہے

خاتمِ آرزُوئے دیدہ و گوش

شاخِ طُوبیٰ پہ نغمہ ریز طُیور

بے حجابانہ حُور جلوہ فروشarooz could not scan this line

ساقیانِ جمیل جام بدست

پینے والوں میں شورِ نوشانوشarooz could not scan this line

دُور جنّت سے آنکھ نے دیکھا

ایک تاریک خانہ، سرد و خموش

طالعِ قیس و گیسوئے لیلیٰarooz could not scan this line

اُس کی تاریکیوں سے دوش بدوش

خُنک ایسا کہ جس سے شرما کر

کُرۂ زمہریر ہو رُوپوش

مَیں نے پوچھی جو کیفیت اُس کیarooz could not scan this line

حیرت انگیز تھا جوابِ سروش

یہ مقامِ خُنک جہنّم ہے

نار سے، نُور سے تہی آغوش

شعلے ہوتے ہیں مُستعار اس کے

جن سے لرزاں ہیں مردِ عبرت کوش

اہلِ دنیا یہاں جو آتے ہیں

اپنے انگار ساتھ لاتے ہیں