کمالِ تَرک نہیں آب و گِل سے مہجوری

کمالِ تَرک نہیں آب و گِل سے مہجوری

کمالِ ترک ہے تسخیرِ خاکی و نوریarooz could not scan this line

مَیں ایسے فقر سے اے اہلِ حلقہ باز آیا

تمھارا فقر ہے بے دَولتی و رنجوریarooz could not scan this line

نہ فقر کے لیے موزُوں، نہ سلطنت کے لیے

وہ قوم جس نے گنّوایا متاعِ تیموری

سُنے نہ ساقیِ مہ‌وَش تو اور بھی اچھّا

عیارِ گرمیِ صُحبت ہے حرفِ معذوری

حکیم و عارف و صُوفی، تمام مستِ ظہور

کسے خبر کہ تجلّی ہے عین مستوری

وہ مُلتفت ہوں تو کُنجِ قفَس بھی آزادی

نہ ہوں تو صحنِ چمن بھی مقامِ مجبوری

بُرا نہ مان، ذرا آزما کے دیکھ اسے

فرنگ دل کی خرابی، خرد کی معموری