مسولینی

نُدرتِ فکر و عمل کیا شے ہے، ذوقِ انقلاب

نُدرتِ فکر و عمل کیا شے ہے، مِلّت کا شباب

نُدرتِ فکر و عمل سے معجزاتِ زندگی

نُدرتِ فکر و عمل سے سنگِ خارا لعلِ ناب

رومتہ الکبریٰ! دِگرگُوں ہوگیا تیرا ضمیرarooz could not scan this line

اینکہ می بینم بہ بیدار یست یا رب یا بہ خواب!arooz could not scan this line

چشمِ پِیرانِ کُہَن میں زندگانی کا فروغ

نوجواں تیرے ہیں سوزِ آرزو سے سِینہ تابarooz could not scan this line

یہ محبّت کی حرارت، یہ تمنّا، یہ نمود

فصلِ گُل میں پھُول رہ سکتے نہیں زیرِ حجاب

نغمہ ہائے شوق سے تیری فضا معمور ہے

زخمہ ور کا منتظر تھا تیری فطرت کا رباب

فیض یہ کس کی نظر کا ہے، کرامت کس کی ہے؟

وہ کہ ہے جس کی نِگہ مثلِ شُعاعِ آفتاب!