فرشتے آدم کو جنت سے رخصت کرتے ہیں

عطا ہُوئی ہے تجھے روزوشب کی بیتابیarooz could not scan this line

خبر نہیں کہ تُو خاکی ہے یا کہ سیمابی

سُنا ہے، خاک سے تیری نمود ہے، لیکن

تری سرِشت میں ہے کوکبی و مہ تابی

جمال اپنا اگر خواب میں بھی تُو دیکھے

ہزار ہوش سے خوشتر تری شکر خوابی

گِراں بہا ہے ترا گِریۂ سحَر گاہی

اسی سے ہے ترے نخلِ کُہَن کی شادابی

تری نوا سے ہے بے پردہ زندگی کا ضمیر

کہ تیرے ساز کی فطرت نے کی ہے مِضرابی