مسعود مرحوم

یہ مہر و مہ، یہ ستارے یہ آسمانِ کبود

کسے خبر کہ یہ عالم عدَم ہے یا کہ وجود

خیالِ جادہ و منزل فسانہ و افسوں

کہ زندگی ہے سراپا رحیلِ بے مقصود

رہی نہ آہ، زمانے کے ہاتھ سے باقی

وہ یادگارِ کمالاتِ احمد و محمود

زوالِ علم و ہُنر مرگِ ناگہاں اُس کی

وہ کارواں کا متاعِ گراں بہا مسعود!

مجھے رُلاتی ہے اہلِ جہاں کی بیدردی

فغانِ مُرغِ سحَر خواں کو جانتے ہیں سرود

نہ کہہ کہ صبر میں پِنہاں ہے چارۂ غمِ دوست

نہ کہہ کہ صبر معمّائے موت کی ہے کشودarooz could not scan this line

“دلے کہ عاشق و صابر بود مگر سنگ استarooz could not scan this line

ز عشق تا بہ صبوری ہزار فرسنگ است”arooz could not scan this line

نہ مجھ سے پُوچھ کہ عمرِ گریز پا کیا ہے

کسے خبر کہ یہ نیرنگ و سیمیا کیا ہےarooz could not scan this line

ہُوا جو خاک سے پیدا، وہ خاک میں مستور

مگر یہ غَیبتِ صغریٰ ہے یا فنا، کیا ہے!

غبار راہ کو بخشا گیا ہے ذوقِ جمال

خِرد بتا نہیں سکتی کہ مُدّعا کیا ہے

دِل و نظر بھی اسی آب و گِل کے ہیں اعجاز

نہیں تو حضرتِ انساں کی انتہا کیا ہے؟

جہاں کی رُوحِ رواں ’لا اِلٰہَ اِلّا ھُوْ،arooz could not scan this line

مسیح و میخ و چلیپا، یہ ماجرا کیا ہے!

قصاص خُونِ تمنّا کا مانگیے کس سےarooz could not scan this line

گُناہ گار ہے کون، اور خُوں بہا کیا ہے

غمیں مشو کہ بہ بندِ جہاں گرفتاریمarooz could not scan this line

طلسم ہا شکنَد آں دلے کہ ما داریم

خودی ہے زندہ تو ہے موت اک مقامِ حیات

کہ عشق موت سے کرتا ہے امتحانِ ثبات

خودی ہے زندہ تو دریا ہے بے کرانہ ترا

ترے فراق میں مُضطر ہے موجِ نیل و فرات

خودی ہے مُردہ تو مانندِ کاہ پیشِ نسیم

خودی ہے زندہ تو سلطانِ جملہ موجودات

نگاہ ایک تجلّی سے ہے اگر محروم

دو صد ہزار تجلّی تلافیِ مافات

مقام بندۂ مومن کا ہے ورائے سپہر

زمیں سے تا بہ ثُریّا تمام لات و منات

حریمِ ذات ہے اس کا نشیمنِ ابدی

نہ تِیرہ خاکِ لحدَ ہے، نہ جلوہ گاہِ صفات

خود آگہاں کہ ازیں خاک داں بروں جَستند

طلسمِ مہر و سِپہر و ستارہ بشکستندarooz could not scan this line