دوزخی کی مناجات

اس دیرِ کُہن میں ہیں غرض مند پُجاریarooz could not scan this line

رنجیدہ بُتوں سے ہوں تو کرتے ہیں خدا یاد

پوجا بھی ہے بے سُود، نمازیں بھی ہیں بے سُود

قسمت ہے غریبوں کی وہی نالہ و فریادarooz could not scan this line

ہیں گرچہ بلندی میں عمارات فلک بوس

ہر شہر حقیقت میں ہے ویرانۂ آباد

تیشے کی کوئی گردشِ تقدیر تو دیکھے

سیراب ہے پرویز، جِگر تَشنہ ہے فرہاد

یہ عِلم، یہ حکمت، یہ سیاست، یہ تجارت

جو کچھ ہے، وہ ہے فکرِ مُلوکانہ کی ایجاد

اللہ! ترا شکر کہ یہ خطّۂ پُر سوز

سوداگرِ یورپ کی غلامی سے ہے آزاد!