عالم برزخ

کیا شے ہے، کس امروز کا فردا ہے قیامتarooz could not scan this line

اے میرے شبستاںِ کُہن! کیا ہے قیامت؟arooz could not scan this line

اے مُردۂ صد سالہ! تجھے کیا نہیں معلوم؟arooz could not scan this line

ہر موت کا پوشیدہ تقاضا ہے قیامت!arooz could not scan this line

جس موت کا پوشیدہ تقاضا ہے قیامت

اُس موت کے پھندے میں گرفتار نہیں مَیں

ہر چند کہ ہوں مُردۂ صد سالہ ولیکن

ظُلمت کدۂ خاک سے بیزار نہیں مَیں

ہو رُوح پھر اک بار سوارِ بدنِ زار

ایسی ہے قیامت تو خریدار نہیں میں

نے نصیبِ مار و کژدُم، نے نصیبِ دام و دَد

ہے فقط محکوم قوموں کے لیے مرگِ ابَد

بانگِ اسرافیل اُن کو زندہ کر سکتی نہیں

رُوح سے تھا زندگی میں بھی تہی جن کا جسَد

مر کے جی اُٹھنا فقط آزاد مردوں کا ہے کام

گرچہ ہر ذی رُوح کی منزل ہے آغوشِ لَحد

آہ، ظالم! تُو جہاں میں بندۂ محکوم تھا

مَیں نہ سمجھی تھی کہ ہے کیوں خاک میری سوز ناک

تیری مَیّت سے مری تاریکیاں تاریک تر

تیری مَیّت سے زمیں کا پردۂ نامُوس چاک

الحذَر، محکوم کی مَیّت سے سو بار الحذَر

اے سرافیل! اے خدائے کائنات! اے جانِ پاک!

گرچہ برہم ہے قیامت سے نظامِ ہست و بودarooz could not scan this line

ہیں اسی آشوب سے بے پردہ اسرارِ وجود

زلزلے سے کوہ و دَر اُڑتے ہیں مانندِ سحاب

زلزلے سے وادیوں میں تازہ چشموں کی نمود

ہر نئی تعمیر کو لازم ہے تخریبِ تمام

ہے اسی میں مشکلاتِ زندگانی کی کشود

آہ یہ مرگِ دوام، آہ یہ رزمِ حیات

ختم بھی ہوگی کبھی کشمکشِ کائنات!

عقل کو ملتی نہیں اپنے بُتوں سے نجات

عارف و عامی تمام بندۂ لات و منات

خوار ہُوا کس قدر آدمِ یزداں صفات

قلب و نظر پر گراں ایسے جہاں کا ثبات

کیوں نہیں ہوتی سحَر حضرتِ انساں کی رات؟