اے پیر حرم

اے پِیرِ حرم! رسم و رہِ خانقہی چھوڑarooz could not scan this line

مقصود سمجھ میری نوائے سَحری کا

اللہ رکھے تیرے جوانوں کو سلامت!

دے ان کو سبق خود شکَنی، خود بِگَری کا

تُو ان کو سِکھا خارا شگافی کے طریقے

مغرب نے سِکھایا انھیں فن شیشہ گری کا

دِل توڑ گئی ان کا دو صدیوں کی غلامی

دارُو کوئی سوچ ان کی پریشاں نظَری کا

کہہ جاتا ہوں مَیں زورِ جُنوں میں ترے اَسرار

مجھ کو بھی صِلہ دے مری آشُفتہ سری کا!