غزل - تیری متاع حیات، علم و ہنر کا سرور

تیری متاعِ حیات، علم و ہُنر کا سُرور

میری متاعِ حیات ایک دلِ ناصبور!

معجزۂ اہلِ فکر، فلسفۂ پیچ پیچ

معجزۂ اہلِ ذکر، مُوسیٰؑ و فرعون و طُور

مصلَحۃً کہہ دیا میں نے مسلماں تجھےarooz could not scan this line

تیرے نفَس میں نہیں، گرمیِ یُوم النّشورarooz could not scan this line

ایک زمانے سے ہے چاک گریباں مرا

تُو ہے ابھی ہوش میں، میرے جُنوں کا قصور!

فیضِ نظر کے لیے ضبطِ سخن چاہیے

حرفِ پریشاں نہ کہہ اہلِ نظر کے حضور

خوار جہاں میں کبھی ہو نہیں سکتی وہ قوم

عشق ہو جس کا جسُور، فقر ہو جس کا غیور