Diwan-e-Ghalib · 189 of 272
کوئی دن گر زندگانی اور ہے
Mirza Ghalib
Bahrرمل مسدس محذوف
فاعلاتن فاعلاتن فاعلن
arooz scans 11 of 12 lines
کوئی دن گر زندگانی اور ہے
اپنے جی میں ہم نے ٹھانی اور ہے
آتشِ دوزخ میں یہ گرمی کہاں
سوزِ غم ہاۓ نہانی اور ہے
بارہا دیکھی ہیں ان کی رنجشیں
پر کچھ اب کے سر گرانی اور ہے
دے کے خط منہ دیکھتا ہے نامہ بر
کچھ تو پیغامِ زبانی اور ہے
قاطعِ اعمار ہیں اکثر نجوم
وہ بلاۓ آسمانی اور ہےarooz could not scan this line
ہو چکیں غالب بلائیں سب تمام
ایک مرگِ ناگہانی اور ہے
A small circle marks a line arooz could not fit to the poem’s bahr. That is a limit of arooz, not of the poet: the text may leave an izafat unwritten, a word may be missing from arooz’s dictionary, or the line may use a licence arooz does not yet model.