نالہ جُز حسنِ طلب، اے ستم ایجاد نہیں

نالہ جُز حسنِ طلب، اے ستم ایجاد نہیں

ہے تقاضائے جفا، شکوۂ بیداد نہیں

عشق و مزدوریِ عشرت گہِ خسرو، کیا خُوب!

ہم کو تسلیم نکو نامئ فرہاد نہیں

کم نہیں وہ بھی خرابی میں، پہ وسعت معلوم

دشت میں ہے مجھے وہ عیش کہ گھر یاد نہیں

اہلِ بینش کو ہے طوفانِ حوادث مکتب

لطمۂ موج کم از سیلئِ استاد نہیں

وائے مظلومئ تسلیم! وبداحالِ وفا!arooz could not scan this line

جانتا ہے کہ ہمیں طاقتِ فریاد نہیں

رنگِ تمکینِ گُل و لالہ پریشاں کیوں ہے؟

گر چراغانِ سرِ راہ گُزرِ باد نہیںarooz could not scan this line

سَبَدِ گُل کے تلے بند کرے ہے گلچیں!

مژدہ اے مرغ! کہ گلزار میں صیّاد نہیں

نفی سے کرتی ہے اثبات طراوش* گویاarooz could not scan this line

دی ہی جائے دہن اس کو دمِ ایجاد “ نہیں“arooz could not scan this line

کم نہیں جلوہ گری میں ترے کوچے سے بہشت

یہی نقشہ ہے ولے، اس قدر آباد نہیں

کرتے کس منہ سے ہو غربت کی شکایت غالب

تم کو بے مہرئ یارانِ وطن یاد نہیں؟