کنار راوی

سکُوتِ شام میں محوِ سرود ہے راوی

نہ پُوچھ مجھ سے جو ہے کیفیت مرے دل کیarooz could not scan this line

پیام سجدے کا یہ زیروبم ہُوا مجھ کوarooz could not scan this line

جہاں تمام سوادِ حرم ہُوا مجھ کو

سرِ کنارۂ آبِ رواں کھڑا ہوں میں

خبر نہیں مجھے لیکن کہاں کھڑا ہوں میں

شرابِ سُرخ سے رنگیں ہوا ہے دامنِ شام

لیے ہے پیرِ فلک دستِ رعشہ دار میں جام

عَدم کو قافلۂ روز تیزگام چلا

شفَق نہیں ہے، یہ سورج کے پھُول ہیں گویا

کھڑے ہیں دُور وہ عظمت فزائے تنہائیarooz could not scan this line

منارِ خواب گہِ شہسوارِ چغتائی

فسانۂ ستمِ انقلاب ہے یہ محل

کوئی زمانِ سلَف کی کتاب ہے یہ محل

مقام کیا ہے، سرودِ خموش ہے گویا

شجر، یہ انجمنِ بے خروش ہے گویا

رواں ہے سینۂ دریا پہ اک سفینۂ تیز

ہُوا ہے موج سے ملاّح جس کا گرمِ ستیزarooz could not scan this line

سبک روی میں ہے مثلِ نگاہ یہ کشتیarooz could not scan this line

نِکل کے حلقہ حدّ نظر سے دُور گئیarooz could not scan this line

جہازِ زندگیِ آدمی رواں ہے یونہی

ابَد کے بحر میں پیدا یونہی، نہاں ہے یونہی

شکست سے یہ کبھی آشنا نہیں ہوتا

نظر سے چھُپتا ہے لیکن فنا نہیں ہوتا