پر ندے کی فر یاد

آتا ہے یاد مجھ کو گزرا ہوا زمانا

وہ باغ کی بہاریں، وہ سب کا چہچہانا

آزادیاں کہاں وہ اب اپنے گھونسلے کی

اپنی خوشی سے آنا، اپنی خوشی سے جانا

لگتی ہے چوٹ دل پر، آتا ہے یاد جس دم

شبنم کے آنسوؤں پر کلیوں کا مُسکراناarooz could not scan this line

وہ پیاری پیاری صورت، وہ کامنی سی مورت

آباد جس کے دم سے تھا میرا آشیانا

آتی نہیں صدائیں اُس کی مرے قفس میں

ہوتی مری رہائی اے کاش میرے بس میں!

کیا بد نصیب ہوں مَیں گھر کو ترس رہا ہوںarooz could not scan this line

ساتھی تو ہیں وطن میں، مَیں قید میں پڑا ہوں

آئی بہار، کلیاں پھُولوں کی ہنس رہی ہیں

مَیں اس اندھیرے گھر میں قسمت کو رو رہا ہوںarooz could not scan this line

اس قید کا الٰہی! دُکھڑا کسے سُناؤں

ڈر ہے یہیں قفسں میں مَیں غم سے مر نہ جاؤں

جب سے چمن چھُٹا ہے، یہ حال ہو گیا ہے

دل غم کو کھا رہا ہے، غم دل کو کھا رہا ہے

گانا اسے سمجھ کر خوش ہوں نہ سُننے والےarooz could not scan this line

دُکھّے ہوئے دلوں کی فریاد یہ صدا ہےarooz could not scan this line

آزاد مجھ کو کر دے، او قید کرنے والے!

مَیں بے زباں ہوں قیدی، تو چھوڑ کر دُعا لے