پھول کا تحفہ عطا ہونے پر

وہ مستِ ناز جو گُلشن میں جا نکلتی ہے

کلی کلی کی زباں سے دُعا نکلتی ہے

“الٰہی! پھُولوں میں وہ انتخاب مجھ کو کرےarooz could not scan this line

کلی سے رشکِ گُلِ آفتاب مجھ کو کرے”

تجھے وہ شاخ سے توڑیں! زہے نصیب ترےarooz could not scan this line

تڑپتے رہ گئے گُلزار میں رقیب ترے

اُٹھا کے صدمۂ فُرقت وصال تک پہنچا

تری حیات کا جوہر کمال تک پہنچا

مرا کنول کہ تصدّق ہیں جس پہ اہلِ نظرarooz could not scan this line

مرے شباب کے گُلشن کو ناز ہے جس پر

کبھی یہ پھُول ہم آغوشِ مدّعا نہ ہوا

کسی کے دامنِ رنگیں سے آشنا نہ ہوا

شگفتہ کر نہ سکے گی کبھی بہار اسے

فسُردہ رکھتا ہے گُلچیں کا انتظار اسےarooz could not scan this line