شاہیں

کِیا میں نے اُس خاک داں سے کنارا

جہاں رزق کا نام ہے آب و دانہ

بیاباں کی خلوت خوش آتی ہے مجھ کو

ازل سے ہے فطرت مری راہبانہ

نہ باد بہاری، نہ گُلچیں، نہ بُلبلarooz could not scan this line

نہ بیماریِ نغمۂ عاشقانہ

خیابانیوں سے ہے پرہیز لازمarooz could not scan this line

ادائیں ہیں ان کی بہت دلبرانہ

ہوائے بیاباں سے ہوتی ہے کاری

جواں مرد کی ضربتِ غازیانہarooz could not scan this line

حمام و کبوتر کا بھُوکا نہیں مَیںarooz could not scan this line

کہ ہے زندگی باز کی زاہدانہarooz could not scan this line

جھپٹنا، پلٹنا، پلٹ کر جھپٹنا

لہُو گرم رکھنے کا ہے اک بہانہ

یہ پورب، یہ پچھم چکوروں کی دنیا

مِرا نیلگوں آسماں بیکرانہarooz could not scan this line

پرندوں کی دُنیا کا درویش ہوں مَیں

کہ شاہیں بناتا نہیں آشیانہ